Dondonya

今日去咗Elements, 去咗呢間日本餐廳食晚飯, 來過好幾次,

佢出名係食飯, 朋友J叫咗Signature Dish 滑蛋雞肉丼, 其實

唔知丼係咩意思, 不過呢個係配飯, 就當佢係飯啦, 我叫咗三

文魚親子釜飯, 本來想食牛丼, 諗起幫我做facial 既M小姐叫

我少牛, 食魚啦

叫完菜侍應小姐叫我試食豬扒飽俾意見, 哈哈, 好, 件扒成寸厚,

厚切麵包又成寸厚, 兩塊麵包一件扒, 三寸, 點擺落口呀! 汁太少,

無其他料, 問我$68會唔會買, sorry... no lor... 侍應小姐解釋用

厚切麵包係唔想件扒整到兩塊麵包變形, 我同佢講佢個口咁細點

放三寸厚既野入口, 佢話我識講野, 我唔係贊佢口細, 我個口咁大

都放唔入啦, 都要諗吓現實問題嘛!

上次食滑蛋雞肉丼, 蛋好似個名一樣咁滑, 雞好嫰, 汁好味,

飯唔洗講, 佢地用日本米, 絕對有保證, 一粒粒, 有咬口, 今次叫既

三文魚親子釜飯, 佢地用個特別金屬器具將餸同飯一切煮, 日式

煲仔飯, 三文魚有點(鞋), 蟹子好味, 飯唔洗再講, 因為類似煲仔飯

煮法, 飯質略硬, 更有咬口, 再配小前菜同麵豉湯, 好食!